今時今日，想吃一碗美味有水準的豬膶粥仲難過食鮑魚！
日前搶先試食了一粥麵新推出的期間限定枸杞豬膶粥，令我想起小時候媽媽經常煲嘅枸杞豬膶湯。這次枸杞和豬膶竟然跑到粥裡去！用粥來煮枸杞豬膶，食法有新意 ，味道超有驚喜，若你愛飲枸杞湯，這新派枸杞豬膶粥也會是你那碗粥！
你話仲有咩夾得過枸杞和豬膶？枸杞葉細嫩且帶獨特濃郁的菜香，這特別的菜香是會容易令人吃上癮的。枸杞只於春夏季上市，是最時令的養生蔬菜，也是廣東人愛吃的蔬菜之一，加上豬膶補肝、養血，是絕配組合。
試過方知，原來以粥底來煮的枸杞葉比用來滾湯的枸杞更加嫩滑，枸杞的菜香也更加突出。新鮮豬膶亦先經過用心沖洗和處理，令肉質更爽脆香滑，加埋厚切，口感特別 juicy，不會又乾又硬，加上即點即煲，配以綿滑粥底，豬膶啱啱熟透便上碗，一碗靚粥就是要講火候的功力吧！來一碗溫馨用心嘅枸杞豬膶靚粥，有時勝過山珍海錯 ！
枸杞豬膶粥 $35-36
枸杞豬膶粥 即點即煲
同場亦試了一粥麵新上市嘅古法秘方功夫牛湯麵 ，一碗功夫牛湯麵配以柱侯牛肚、招牌牛腩及牛丸，除了麵靚湯靚，亦吃得出選料有質素。牛肚來自紐西蘭，口感較平時食嘅牛肚更加爽滑，配以牛味香濃的招牌牛腩，一吃便停唔到口！大廚對牛肚燜煮的火喉控制亦十分講究，先以柱侯醬燜2-3小時， 令牛肚完全入味，同時保持到牛肚的爽勁，不會太硬或太腍。想知這碗功夫麵的真功夫，而家就去試吓啦！
功夫牛湯麵 $36-37
