澳門食買玩 體驗法國五月

by mabel

 

 

 

又嚟到澳門食買玩啦!

適逢法國五月美食薈,日前到過澳門巴黎人一遊,試試法國五月新菜式,順便參觀吓打卡勝地巴黎鐵塔。其實想睇巴黎鐵塔,唔使一定飛去巴黎咁遠嘅,去澳門巴黎人一樣可以登上巴黎鐵塔打卡自拍。唔怕高嘅話仲可以上埋塔頂觀景台睇氹仔無敵景觀。

打完卡可以去名店林立嘅洒店商場逛逛,感受吓巴黎時尚氣息,在路邊咖啡座嘆杯咖啡,做一日巴黎人!商場設計和裝飾以巴黎的建築、街道和地標名勝為藍本,四面八方都是巴黎購物大道,名店林立,有特別多巴黎名店,像Chanel、Sonia Rykiel、Repetto,以及我最喜愛的Isabel Marant等。

 

澳門巴黎人的打卡勝地巴黎鐵塔

 

酒店商場設計和裝飾以巴黎的建築、街道和地標名勝為藍本

 

巴黎購物大道

 

 

講到食,今次在 Brasserie 巴黎人法式餐廳,試左五月限定推出的法國五月美食薈南法主題套餐。4道菜的南法特色餐單由法餐行政主廚Daniel Brolese精心炮製,從頭盤到芝士盤都非常地道,包括無花果凍批伴foie gras, 家鄉風味雜菜湯,以及朝鮮薊 (Artichaut) 伴香煎龍蝦鱈魚餅,烹調屬於南法普羅旺斯及南岸的傳統風味,,無花果和Artichaut均是地中海沿岸特產,是南法人愛吃的蔬果,魚鮮更是不容錯過的南岸美食!4道菜吃得出都是由南法溫暖的陽光、得天獨厚的土壤和海洋孕育出來的,真心美味!

特別要讚最後的精選普羅旺斯芝士盤,傳統的法式 3 fromage ,配以乾果杏桃和甜麵包,原汁原味的南法風味,竟然在澳門嚐到,真的太令人驚喜了!

 

Brasserie 巴黎人法式餐廳

 

法國五月美食薈南法主題套餐

 

無花果凍批伴foie gras

 

傳統法包

 

家鄉風味雜菜湯

 

朝鮮薊 (Artichaut) 伴香煎龍蝦鱈魚餅

 

精選普羅旺斯芝士盤

 

Brasserie 巴黎人法式餐廳

 

Brasserie 巴黎人法式餐廳

 

 

法國五月美食薈南法特色套餐(午餐或晚餐)

價格:每位澳門幣480元

供應日期:5月1日至5月31日

 

 

 

 

 

 

 

 

 

 

 

Related Posts