無論你係咪點心控，見到啲造型咁得意、咁特別的點心，都想立即試哂佢！位于海港城的點一龍點心中菜館最近推出季節新款點心，日前搶先試食過，覺得口味和造型都超有驚喜！下次行街飲茶，記得去點一龍試試這些咁有創意的新派點心啦！
講到造型最得我心的點心係可愛的牛仔手袋 ($44) ，除了形狀有趣，內裡用黑椒汁煮的牛仔肉及豬肉餡料仲好惹味添！自家製的酥皮亦炸得非常香脆，是必食之選！
牛仔手袋 ($44)
黑蒜鮮蝦燒賣 ($44) / 烏賊 ($38)
另一款烏賊 ($38) 亦是可愛又可口，用蝦餃皮包着墨魚膠，再製成烏賊形狀，大人小朋友見到都開心！
如果你好似我一樣鍾意食燒賣，這款黑蒜鮮蝦燒賣 ($44) 會給你更多驚喜！在鮮蝦豬肉燒賣中釀入一瓣蜜甜的黑蒜，口味獨特，健康又多添了蒜香風味！
馬拉糕一向都是最受歡迎的飲茶點心之一，今次餐廳特別炮製了一口薑糖馬拉糕 ($33) ，經典馬拉糕加入了薑汁炮製，濃濃的薑味好香好醒胃，味覺感官同樣滿足！
一口薑糖馬拉糕 ($33)
韓泡菜春卷 (素) ($33)
極滋味水煮魚柳 ($120)
若愛韓風味，可以點韓泡菜春卷 (素) ($33) ，以春卷皮包着韓國泡菜、椰菜及甘筍絲，韓風十足，辣度亦適中，好啱香港人口味。如果想吃辣啲，那辣度十足的極滋味水煮魚柳 ($120) 必能滿足你口味，魚柳香甜嫩滑，辣味夠，好有四川風味。
其他新款點心還有香芋流沙包 ($36) 、家鄉南瓜肉鬆煎軟餅 ($33)、紫薯脆窩餅 ($33) 、生磨芝麻小卷 (素) ($33)、西檸骨 ($93) ，及松子櫻花蝦豚肉炒飯 ($108) 等。
西檸骨 ($93)
松子櫻花蝦豚肉炒飯 ($108)
各款新季點心
甜點最推介形狀可愛的紅棗杞子桂花小魚子 ($38) ，將紅棗、杞子及桂花等配料加入魚膠粉製成，味道清新甜蜜，有點透心涼，好啱夏天食。另有楊枝甘露糖水 (素) ($39) ，清甜香滑涼爽，啖啖芳香，消滯醒神，是吃完一頓豐富點心後最佳的清新甜點！
紅棗杞子桂花小魚子 ($38)
楊枝甘露糖水 (素) ($39)
點一龍點心中菜館：
地址：廣東道17號海港城港威商場GW G103舖 2175 3100
