食在五月 盧瓦爾河谷 @Sky726

by mabel

 

 

 

今年法國五月美食薈有超過200家香港及澳門合作餐廳和夥伴,Sky726 便是其中一間。餐廳將於五月推出以 盧瓦爾河谷 LoireValley 為主題的五道菜晚餐。日前率先前去試食,五道菜不單豐富、味道創新,擺盤仲靚到好似藝術品般,加上性價比高,以平民價吃到五道法餐,絕對抵食之選!

頭盤是 #醃三文魚伴黑芝麻及魚子,食材配搭超有驚喜,黑芝麻香與魚香交融,伴以墨魚汁沙律醬,甜與咸香交融,有層次風味,食物構圖亦好似油畫般美,記住要相機先食呀!

 

頭盤 #醃三文魚伴黑芝麻及魚子

 

 

接著是開胃菜 #燒紅菜頭沙律伴風乾牛肉,清新可口,令人胃口大開!吃完冷盤,最好來一個暖笠笠的法式 #黑松露栗子忌廉湯。這法湯香甜不膩,口感綿滑,相當地道!

 

燒紅菜頭沙律伴風乾牛肉

 

黑松露栗子忌廉湯

 

 

主菜最推介 #慢煮法國黑腳雞伴紫甘箏 ,產自Loire Valley的黑雞,純天然飼養,肉質鮮嫩結實,係當地嘅特產名雞,就算法國人也不是經常食得到呢!

 

慢煮法國黑腳雞伴紫甘箏

 

另一款主菜 : 板燒牛柳伴燒黑蒜

 

 

甜品是小編最愛的法式蘋果撻!蘋果撻好吃與否關鍵在蘋果的品質,盧瓦爾河谷盛產蘋果,而且品種多,用來炮製蘋果撻,自然無得輸,焗過後的蘋果口感特別甜蜜芳香。咁地道嘅蘋果撻,難得可以在香港吃到!

 

法式蘋果撻

 

五道菜晚餐(價錢由HK$638至$698) 只限5月推出,千奇咪走雞呀!

 

Sky 726 地址:
旺角彌敦道724-726號25樓

 

 

 

 

 

 

Related Posts