疫情下無得飛，最好去食吓異國風情美食，食咗當去咗，過吓旅行癮！旺角最近新開咗間 NAM VIỆT NAM Café，主打南越Fusion菜，由 「越南粉教父」Chef Justin（陳希裕）親自主理，出開旺角不妨讓味蕾來趟「南越深度遊」！
南越菜一直由多元文化融匯而成，再加埋NAM VIỆT NAM Café的創意烹調，餐單非常有驚喜，像鎮店的招牌「嫲嫲南越湯 – 招牌金邊粉」（港幣$88） 採用由牛面頰至牛尾等五個牛部位熬煮24 小時而成的濃郁湯底，呷一口會忍唔住嘩一聲！配料有齊牛肉片、牛面頰、牛腱、牛筋及牛丸，非常豐富，再加空運的新鮮金邊粉和香脆油條，真心食到舐舐脷。此秘方原來是來自Chef Justin祖母的南越牛肉粉食譜，食譜經歷過南越、老撾、法國等口味影響融會而成，而Justin傳承後亦曾將之帶到美國和香港改良，曾創下日賣400碗越南粉的長龍紀錄，想知有幾正就要快d去試吓！
另一必食「脆米紙薄餅」（港幣$48）
將地道街頭小食「越南薄餅」Bánh Tráng Nướng 改良，把米紙餅底炸至香脆鬆化，配搭惹味越南香腸、秘製酸瓜和檳榔葉等，滋味又層次豐富。
全港首創的越式「Shake Shake 雞軟骨」（港幣$42）
用袋子將雞軟骨和秘製蒜香調味粉、辣椒、青檸葉和香茅等「Shake」起來，好玩又惹味。
同樣獨家秘製的「NVN 高樓米塔」 （港幣$48），帶來越南米粉新食法，將米粉炸脆後疊高，吃前淋上以香茅、青檸葉等製成的濃湯，色香味俱全。
「NVN 南越法式麵包配肉湯」（港幣$78）
在鬆軟的法包上塗抹自家製黑啤酒豬肝醬，再加入豬耳、燻蹄、扎肉等六款美味餡料，另更附上招牌肉湯供客人以法國「French Dip Sandwich」吃法沾汁，令味道更多重。
「烤蔞葉雞配青蘋果條」（港幣$78 / 半隻；港幣$98 / 原隻）
以越南特色蔞葉烤煮雞肉，又香又惹味，伴以青蘋果條，清甜醒胃，平衡了較重口味的烤煮雞肉。
「五香豬腩伴鍋巴」（港幣$48 ）
五香豬腩香濃入口溶化，鍋巴咬落脆卜卜，夾著豬腩一起吃，非常過癮！
南越蟹肉醬配脆球餅（港幣$68 ） 另一鮮與脆的美妙配對，大廚神來之作！
「烤慢煮12小時乳豬配生菜包」（港幣$180）
乳豬是南越的傳統名菜之一，餐廳以現代的慢煮滲透壓的煮法炮製，讓肉質保持鬆化多汁，再以低溫慢煮 12小時後放至焗爐烤製，令外皮更香脆，製作用心！
飲品方面，同樣充滿驚喜，首推近年風靡越南的潮飲「越式蛋啤酒」（港幣$38），越南啤酒加入了自家製的蜂糖蛋醬，清爽中帶甜蜜的蜂蜜味和蛋香，風味迷人，女生們會輕易愛上！另還有「越式蛋咖啡」（港幣$28）面層是微燒焦糖蛋醬，有點像法式甜品crème brûlée，是咖啡又可以當甜品！
餐廳另提供越南手工精釀啤酒 Heart Of Darkness（港幣$48），三款口味包括越南辣椒、越南金桔和柚子味花香，最啱配搭各種越式街頭小食。
NAM VIỆT NAM Café
地址：九龍旺角彌敦道 726 號 1 樓 訂座電話：2311 9333
營業時間：星期一至日 11:30 – 22:00
