復活假期玩咩好 去沙田鬧市bbq !

by mabel



大家好耐無BBQ了吧!嚟緊一連5天復活節假期,最啱一家大小或約埋班friends去戶外玩番日,抖抖氣,開個熱烘烘的燒烤派對!

想燒嘢食又唔想去到冇雷公咁遠?剛剛登陸沙田的Pop n’ Grill 鬧市燒烤樂園就最理想不過了!樂園位于沙田大會堂旁邊的天台花園,從沙田港鐵站步行10分鐘即達,十分方便!天台花園不但寬敞開揚,座位闊落舒適,仲有無敵城門河景見到更加會嘩一聲,放眼360度視野完全沒有高樓包圍,天空一望無際,涼風徐徐,日落時分的城門河和橋景更是靚絕全城,無需走到田野鄉間,也可欣賞大自然的美麗風光!一邊「燒嘢食」,一邊感受大自然,好不愜意!

另值得一提的是樂園樓下是結婚登記處,非常適合舉辦結婚燒烤派對,場地中央特別設置主禮台和拍照區,方便新人行禮及拍照,加上無敵靚景襯托,打卡一流!



剛剛登陸沙田的Pop n’ Grill 鬧市燒烤樂園
無敵城門河景
天台花園寬敞開揚,座位闊落舒適
座位旁邊設有坐地加濕風扇,天氣熱都冇有怕,非常細心
有起爐服務,正!
一邊「燒嘢食」,一邊欣賞美景,好不愜意!
場地中央特別設置主禮台和拍照區,非常適合搞結婚燒烤派對
夜景更加靚到無得彈
夜晚燒嘢食特別有氣氛
Pop n’ Grill 位于沙田大會堂旁邊的天台花園

食物方面,有超過60款燒烤美食任你揀,包括由廚師自家秘方醃制的各式肉類,如川味雞扒、燒汁金沙骨、土匪豬手、土匪雞翼、黑椒牛扒和韓式牛仔骨等。當然少不了燒烤必備的各式肉丸、腸類及新鮮蔬菜。另亦提供多款海鮮美食,包括美國龍蝦尾、生蠔、帶子、紐西蘭青口等。

單點 美國龍蝦尾 / 川味雞扒 / 韓式牛仔骨
單點 越南虎蝦 / 紐西蘭青口/ 美國龍蝦尾 / 帶子 / 蔬菜
肉類和海鮮燒得香噴噴,最推介美國龍蝦尾,爽滑彈牙,食到舐舐脷 !
川味雞扒麻辣十足 / 韓式牛仔骨入口嫩滑牛味濃,燒耐啲都唔會鞋!
燒菠蘿,超甜!
燒生蠔,肉質肥美鮮甜,燒一燒食得,必食之選!
燒鰻魚 / 紅腸 亦是小編私心推介

若想食得再豪d,可以戰下重達2磅的澳洲M5和牛戰斧扒、高質安格斯肉眼扒,或燒全乳豬!尤其是自己燒嘅全乳豬,好玩又好食,最啱齊齊開心分享!樂園會提供乳豬專用的旋轉燒烤架,因乳豬已預燒了9成熟,所以食客只需在炭爐上緩緩轉動已串好的乳豬,約30分鐘就能輕易燒出色澤均勻,色香味美的脆皮乳豬。來自越南的金牌乳豬肉質嫩滑無比,即燒即食風味無窮!乳豬皮入口卜卜脆,正到不得了!餐廳更可為客人即場切件分享。金牌乳豬$688,想食記得要3日前預訂!

自己燒乳豬,好玩又好食
大廚Oscar親自落場教路,燒出脆卜卜乳豬!
燒乳豬大功告成!乳豬皮燒至金黃色,立立令,油光锃亮!


餐廳更可為客人即場切件分享

另有3款套餐可供選擇:「歡歡樂樂二人餐」(星期一至五 $298;星期六,日及公眾假期 $398),套餐包括燒汁金沙骨、香茅豬排、川式雞扒、土匪雞翼、司華力腸、爆脆芝士腸、牛丸、墨魚丸、貢丸、香甜粟米、蕃薯和蒜香雜菇共12款美食。人多則可選「圍威喂4-6人燒烤套餐」 ,包括土匪豬手、香草春雞、香茅豬排、黑椒牛扒、土匪雞翼、司華力腸、爆脆芝士腸、牛丸、墨魚丸、貢丸、蒜香雜菇、川式茄子、香甜粟米、蕃薯及菠蘿。

若無海鮮不歡,則可選「豪情萬里二人餐」(星期一至五$498;星期六,日及公眾假期$638),包括彈牙美國龍蝦尾、鮮甜紐西蘭青口、即開生蠔、半殼帶子、越南虎蝦、土魷、蕃薯、菠蘿和蒜香雜菇,款款新鮮,一燒美味,必定滿足海鮮迷!所有燒烤套餐均已包起爐服務、爐具、炭、燒烤網及夾、蜜糖及調味醬料和餐具。

飲品選擇亦非常多,有啤酒、紅白餐酒、雞尾酒和各式汽水等等。凡惠顧滿$300或燒烤套餐,即可以每位$108無限添飲指定啤酒、紅白餐酒、汽水及飲料。

Pop n’ Grill
地址:沙田源禾路1號沙田大會堂天臺花園
電話:3188 5170
營業時間:星期一至日 11am – 10pm


Related Posts