「泰闊&一燒」串燒泰菜小店
店主親自下廚
街頭小食一向係香港人至愛，除左篤魚蛋，串燒一樣咁受歡迎！
最近試過油麻地一間叫「泰闊&一燒」嘅串燒泰菜小店，有自家製串燒小食和地道泰式小菜，風味不錯又抵食，如果唔想企係街邊食，仲可以坐低慢慢嘆，小店旁邊設有冷氣用餐坐位，最啱宵夜夜蒲，或是放左工約埋班friends去泰燒relax吓！
這小店串燒製作及調味都好特別，店主兼主廚曾經在泰國學廚，將地道的泰菜烹調加入創新製法，像招牌的自家煙燻牛舌串燒，唔用一般的孜然粉，改用自家秘製醬汁，一塊塊厚切的牛舌係用蘋果浸左一晚的蘋果原木煙燻，因此煙燻味特別香濃，肉質又軟腍，$28大大串，好抵食！
自家煙燻牛舌串燒 $28
燒日式茄子 $32
燒意大利香草醬大啡菇 $32
必食還有燒日式茄子，係大阪燒風味，茄子鮮甜多汁，微燒後更加有風味，再加上大量木魚，清香又醒胃。另有燒意大利香草醬大啡菇亦不容錯過，大大隻新鮮啡菇鋪滿濃郁香草醬，味道超引誘。
串燒怎能沒有燒雞翼，別出心裁的燒花雕醉雞翼，用酒香代替辣椒醬，最啱不愛大辣的食客！另推介這裡的泰式燒倉魚，魚肉鮮嫩香甜，風味可媲美貴價餐廳的鹽燒鱸魚，平靚正！
燒花雕醉雞翼 $18(2隻)/多款串燒 / 燒日式茄子
泰式燒倉魚 (時令價)
若是無辣不歡，這裡的泰式風味小菜亦非常地道，像辣椒膏炒牛仔骨及泰式辣椒炒蜆，炮製得好惹味，最啱配上透心涼的椰青！
辣椒膏炒牛仔骨 $98
泰式辣椒炒蜆 $68
串燒配上透心涼的椰青$25
