生蠔迷又有口福啦！近日銅羅灣旺區新開左間主打生蠔的西餐廳 Belon Vin，餐廳環境舒適又cozy，好啱約埋朋友相聚嘆番杯豪食時令生蠔！
甫進門便會見到一個令人垂涎的蠔吧，而且生蠔更是每天新鮮空運到港，有來自日本、法國、西班牙、澳洲等產地，有不同品種口味，質素高，迎合你的高要求！每天Happy Hour時段更可以優惠價HKD128享用三只生蠔+飲品一杯，係咪好吸引呢？
令人垂涎的蠔吧
蠔吧上有來自日本、法國、西班牙、澳洲等產地的生蠔
自選生蠔拼盤
自選生蠔拼盤種類
如果唔食生嘢，可以選芝士菠菜焗蠔，香濃芝士加埋清新菠菜，令蠔的鮮味更突出！其他菜式亦好有水準，像芝士火腿拼盤，三款芝士配36個月的西班牙火腿，是醒胃又滋味的頭盤！
芝士菠菜焗蠔
芝士火腿拼盤
餐廳供應各種與食物配對的餐酒
欖油炒露荀
主菜最推介低溫乳豬配青蘋果汁，以及龍蝦扁意粉。乳豬低溫煮12小時後再烤焗一小時，難怪皮脆肉嫩滑，啖啖 juicy，少啲心機和經驗都好難掌握得到！
若想食得健康啲，欖油炒露荀是必食之選，露荀新鮮清甜，加埋欖油來炒，好有田園風味。餐廳除了食物質素高，價錢亦非常合理，全部開胃小食不超過100元，像這道欖油炒露荀只需88元，多款主菜也在200至300多元左右，真心抵食！
低溫乳豬配青蘋果汁
龍蝦扁意粉
這裡的原個水果雪葩甜品，也是最不容錯過。有不同口味的水果，包括桃、柚子、蘋果等，全部用新鮮水果肉炮製，清香涼透心，啱哂酷熱天氣享用！
原個水果雪葩甜品
