秋風起蟹正肥，又是食蟹的好時節！全城熱捧的鴻星蟹宴今年再度推出全新滋味蟹饌，包括一系列以蟹入饌的手工點心、時令蟹菜式及湯羹，烹調方法結合傳統及新派創意，不論吃原隻肥蟹，還是啖啖肉的手拆蟹肉菜式，都會吃得過癮！日前專程去尖沙咀的星薈吃全蟹饌，望住靚景嘆滋味蟹靚份外寫意！
蟹迷必食的經典蟹名菜！花雕與肉蟹，是世間絕配！鴻星嚴選的肉蟹色澤晶瑩紅潤，不但蟹肉味濃郁，肉質更是香滑無比，鮮甜到不得了！原集肉蟹浸在花雕、雞油、雞蛋混合製的湯汁中，蟹肉吸收了花雕酒香及蛋香，濃香滑溜，口感極致夢幻，好食到舐舐脷！
沾滿鹹蛋黃的軟殼蟹，香酥軟滑，味道不過鹹不膩，非常香口！其實質素高的軟殼蟹不用加太多調味和配料已夠甘香。
若喜愛口味清淡的蟹菜式，冬瓜蟹肉鮑魚卷一定啱你口胃！大廚巧手切出冬瓜薄片，形似竹笙，用來包裹冬菇絲、蔬菜絲和鮑魚絲，再燴以滑嫩蟹粉芡，清新爽滑又鮮甜，看似簡單其實是極巧心思的手工菜！
焗蟹蓋工序繁複，先以人手逐隻蟹去殼拆肉，再拌入芝士、洋蔥、麵包糠烘焗，外層金黃酥香，內裡豐富啖啖肉，是另一心機手工菜。
蟹拑肥美飽滿，釀滿蟹肉和蝦膠，以煎釀烹調，再淋上蟹肉珊瑚汁，豐腴又鮮甜，真心好味！
皮薄餡靚，爽滑香甜，$25抵食之選！
製作創新的蟹肉窩貼，窩貼煎得香口，加入波菜增添清爽口感，波菜配蟹肉，別處吃不到！
Photo @Alan Leung
