好耐無吃Omakase了，日前專程入元朗朗屏訪尋剛開業的「舍利鮨 Sushi Shari」，嚐嚐龍師傅拿手的江戶前壽司廚師發辦！15貫壽司午市套餐食足2粒鐘，豈止美味咁簡單！一直愛吃醃漬海鮮壽司，因為佢風味獨特，比一般魚鮮壽司多出一種誘惑層次！其實調味或醃製食材最考功夫和心機，師傅要經過不斷試食及改良才會推出。咁高境界的Omakase，食過好難唔上癮！
掌廚的龍師傅擁有近16 年的豐富日本料理經驗，練成獨門秘方，為舍利鮨製作以醃漬海鮮為主的江戶前壽司Omakase，並以日本最古老的「熟成」烹調技術來處理食材，再搭配特製的赤醋飯，不單將魚鮮味提升，更令壽司的香味層次更突出。
餐廳嚴選之食材全是來自日本最新鮮最時令的海產，每天由東京、京都的兩大漁市場直送到港。每天菜式會因應當造食材而有所改變。Lunch價位由$350至$650，晚餐每位$1600。新開張期間（即日至10月尾），吃午市廚師發辦套餐更有免加一優惠。餐廳唔做walk in，想吃記得快快book位！
當天選了lunch set $500，套餐還包括前菜茶碗蒸、湯、甜品和咖啡。15貫即握即吃的壽司，全部好新鮮，一件接一件上，由廚師發辦，師傅會在客人面前準備，每完成一件都會放在你專用的蝶子上，並講解每件壽司的特色。看著師傅一握一握的熟練手藝，像看表演般過癮，就這樣吃著看著，過了一個幸福又滿足的下午！
先來一件 #昆布漬鯛魚壽司，這裡的醃漬海鮮果然超水準，香滑鮮到無得彈！接著上的 #竹炭鹽帆立貝壽司 同樣超級滑，鮮甜甘香，食完想立即食多件！還有 #蝦膏昆布漬蝦壽司、#海膽醬甜蝦壽司、#鰹魚配蒜蓉壽司、以及 #熟成鰤魚壽司 等，入口溶化，鮮味到不得了，調味和醃漬以至秘製赤醋飯都好正！
最令我印像深刻的還有 #火炙梳子魚壽司，火炙後逼出魚油香好滋味！還有鮮甜肉滑的 #北海道秋刀魚壽司， 10月當造的北海道秋刀魚多一層皮下脂肪，魚脂加倍香潤，嫩滑肥美，配搭生薑蔥及特製醋飯，甘香無比，非一般秋刀魚可比！
#拖羅壽司 配搭岩鹽，更是不得了，入口即溶！油脂甘香滿溢，魚味濃郁，在上面灑點岩鹽，魚味更豐腴！還有 #北海道紫海膽壽司，甜中帶甘，海膽超新鮮完全唔腥，味道十分鮮美，食過念念不忘，一定會再來！
若要總括這次Omakase午餐體驗，15品握壽司由淡至濃，我說像極一首美妙的樂章，味蕾與感官起伏交織，除了滿足口福，還是一種生活體驗！
舍利鮨 Sushi Shari
地址：元朗安寧路38 號世宙商場6 號地舖
營業時間：12:00 – 15:00，19:00 – 23:00
訂座電話：6811 6689
